رواية تزوجت أرمل كاملة للكاتبة هاجر عمر- مدونة ستيفان برو
 |
| رواية تزوجت أرمل كاملة |
نبذة عن رواية تزوجت أرمل:
مرحباً بكم على مدونة stephanpro التي تقدم لكم كل ما هو جديد وترند
تعتبر رواية تزوجت أرمل للكاتبة هاجر عمر من أروع القصص الغرامية التي تمزج بين مشاعر متنوعة من حب و الم، وعشق.
وقد اصبحت هذه الرواية حديث الكثير من محبي الروايات، نظرا للغموض الذي تتسم به واحداثها المشوقة وأسلوبها الجذاب.
غلاف رواية تزوجت أرمل:
 |
| رواية تزوجت أرمل كاملة |
مقتبس من الفصل الأول لرواية تزوجت أرمل:
ارمل؟! عايزة تجوزينى ارمل يا ماما لا و مش بس كدا دا كمان اب ل 3 اولاد!
"كانت بتتكلم و ملامحها باين عليها الصدمة و الغضب"
"قربت منها و حطت ايدها على ضهرها بحنان"
هو بايده يا حبيبتي ان مراته ماتت
"بصتلها بصدمة و دموع محبوسة"
و انا ذنبى ايه ان اول بختى يكون واحد متجوز و أب؟! ذنبى ايه؟!
"وطت راسها بكسرة و سكتت"
"دموعها نزلت بكسرة"
ياااه! للدرجادى الاجابة صعبة
"رفعت راسها و بصتلها بدموع"
يا حبيبتى انتى كبرتى كل ال قدك اتجوزوا و خلفو ما ينفعش تدلعى و تدللى على العرسان زى زمان..البنت يا عين امك كل ما بتكبر فرصتها ف الجواز بتقل و انتى بقى عندك 28 سنة..و العرسان مش زى زمان كل واحد بيفكر يتجوز بيجرى على واحدة صغيرة لسه ف التعليم..هستنى لما تقعدى جنبى
"دموعها مغرقة وشها من الكلام ال بتسمعه من اقرب الناس ليها هى عارفة دا كله و سمعت من كتير سواء الجيران او زمايلها بس ما كانتش بتديهم اهتمام لكن ما اتوقعتش انها تسمع نفس الكلام من امها ال المفروض تقف جنبها و تقويها مش تجبرها حست بكسرة نفس اد ايه مجتمع غبى ال يربط جواز البنت بسن معين مجرد ما اتخطته يبقى تتصنف تحت بند العانس..العانس ال مجتمع عقيم حطها و حددها بسن"
يااه يا ماما للدرجادى انا رخيصة ترمينى لاى واحد عشان خايفة من كلام الناس
"قاطعتها بسرعة"
قطع لسانى قبل ما يقول كلمة تجرحك مش قصدى والله يا قلب امك
"لجأت لسلاح الامهات و اتكلمت بحنان و مسكنة"
انا خايفة عليكى لا انا و لا ابوكى هنعشلك و اخواتك كل واحد ف بيته هييجى يوم و تلاقى نفسك وحيدة و انا مش عايزاكى تحسي ب كدا عايزة اشوفك ف عصمة راجل يآنس وحدتك و يحميكى و يكونلك عيل يشيلك لما تكبرى
"بدموع"
يعنى عشان قواعد حطها المجتمع اتجوز اى حد
"اتكلمت بهدوء و مسحت على شعرها"
و مين قال انه اى حد مؤيد راجل محترم و ابن ناس و عارف ربنا و انا متأكدة انه هيشيلك ف عنيه
"رفعت راسها و لسها هتتكلم قاطعتها بهدوء"
اقعدى معاه و اتكلموا و صدقينى هترتاحيله و هتتأكدى من كلامى هو جاى انهاردة بعد العشا صلى و اقعدى معاه و اللى ف الخير يقدمه ربنا
"سابتها و خرجت و هى رمت نفسها ع السرير و قعدت تعيط و تفكر ازاى اهلها يوافقوا يجوزوها واحد ارمل و اب.. قالولى ان ابنه عنده ست سنين..ضحكت بسخرية..اكيد كبير ف السن"
"مسحت وشها بايدها و رفعت وشها للسما"
يا رب نور بصيرتى يا رب
"قامت اتوضت و صلت المغرب و فضلت تصلى بعدها و تدعى ربنا انه يخفف على قلبها و تعيط لحد ما حست براحة.. خلصت صلاة و قامت تساعد امها لحد ما العشا اذنت و دخلت تصلى و هى بتلبس سمعت الجرس بيرن بدأت تتوتر و قلبها يدق جامد"...يتبع...
قراءة جميع فصول رواية تزوجت أرمل من هنا:
- الفصل1 من رواية تزوجت أرمل
- الفصل2 من رواية تزوجت أرمل
- الفصل3 من رواية تزوجت أرمل
- الفصل4 من رواية تزوجت أرمل
- الفصل5 من رواية تزوجت أرمل
- الفصل6 من رواية تزوجت أرمل
- الفصل7 من رواية تزوجت أرمل
- الفصل8 من رواية تزوجت أرمل
- الفصل9 من رواية تزوجت أرمل
- الفصل10 من رواية تزوجت أرمل
- الفصل11 من رواية تزوجت أرمل
- الفصل12 من رواية تزوجت أرمل
- الفصل13 من رواية تزوجت أرمل
- الفصل14 من رواية تزوجت أرمل
- الفصل15 من رواية تزوجت أرمل
- الفصل16 من رواية تزوجت أرمل
- الفصل17 من رواية تزوجت أرمل
- الفصل18 من رواية تزوجت أرمل
- الفصل19 من رواية تزوجت أرمل
- الفصل20 من رواية تزوجت أرمل
- الفصل21 من رواية تزوجت أرمل
- الفصل22 من رواية تزوجت أرمل
شكراً لكم على المتابعة فإذا أعجبتك الرواية عزيزي الزائر عزيزي الزائرة أترك لنا تعليق من أجل التشجيع فرأيك يهمنا
قواعد النشر: عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم